試驗繁殖蠟蟲DAY5

進入第5日~今日D蟲既狀態都係同尋日差唔多~都係果兩條未結繭~而摺埋自己果條就已經打番開自己喇~

而今日經過日本....城😜俾我發現左一個好細既米筒,只賣10蚊~10蚊咋~~跟住我就諗D蟲應該要換大D空間,所以就買左喇~日後養蟲都可以養多少少嘛~

10蚊咋~~😍

原本想晌個新箱度加D新既培養基,再將原有既培養基放上面,但係考慮到遲D蛾產左卵之後又要換過D新既培養基,不如直接就咁用原來果D啦~

原本都諗住就咁將D培養基連蟲過去新盒度,但攪兩攪,起兩起,突然驚整到D蟲,決定乾趣D直接成兜放入去~~😝

🌟🌟同場加映🌟🌟

 

捉左隻肥妹出黎玩~你真係好肥呀~~哈哈~

試驗繁殖蠟蟲DAY4

今日大部份蟲都已經進入左繭既狀態,淨番兩條未結~但原來D蟲晌繭內都仲會郁架~

 

其中有一條仲晌繭入面摺埋左添~~哈哈~ 

仲有條晌個廁紙筒度結繭~

今日暫時係咁多~~冇乜特別~~

試驗繁殖蠟蟲DAY3

同🐛🐛相處既第3日~今日聽朋友講,如果加個廁紙筒入去可以遲下俾D蛾企,減少佢地晌開蓋時飛出黎既機會,所以我都為佢地準備左一個廁紙筒~

放左個剪裁好既廁紙筒入去,有條即刻走上去玩😝

  

有D蟲蟲已經明顯結左薄薄一層繭

加多左個廁紙筒既原故,比較驚仲未結繭既蟲會偷走,所以成日都要驅趕番佢地落去~😝

💞同場加映💞

HELLO!我叫波仔~我係男仔黎架~

 

HIHI~我係蛋卷~我係女仔~

我家既蜜蜜居然男仔就賣萌💖,女仔就勁粗魯~~

蛋卷姐~點攪呀?!你下下都擘一字馬唔掂喎~可唔可以斯文D架!?一.一💢

試驗繁殖蠟蟲DAY2

今日係第二日~我發覺我同D蠟蟲CLOSE左😆我夠膽用我D指甲去掂佢地~好大既突破~~😜

今日見D蟲冇尋日咁活躍,而且見到個邊邊位有D絲,懷疑係結繭~其實我蠢左,買左D蟲返黎應該就咁連繭放入去養,唔洗咁麻煩~~攪亂左少少佢地休息時間添~唔好意思囉~😜

邊位明顯比尋日多左絲

下面果條應該係結緊繭

最底有條匿埋左結繭
其實佢地匿埋左好難睇到,仍地同D麥皮差唔多色😝

★☆觀察左佢地第二日,已經唔再驚佢地喇~☆★

🌠🌠同場加映~蜜蜜食豆記~~🌠🌠

冇蟲食惟有食住豆先啦~哈哈~

食到圍住自己係咩玩法?!

試驗繁殖蠟蟲DAY1

由於我家一班寶貝非常鍾意食蟲蟲,而且蟲蟲又能夠提供到豐富營養俾佢地,鑑於有時要買蟲既時候可能賣晒要隔幾日先會有得番,倒不如自己試下繁殖咁啦~我其實都係由一位朋友教我點做,我就即管膽粗粗去試下啦~

P.S.我其實好怕蟲架~~😣

我家寶貝~~佢地名叫蜜袋鼯~~

見到蟲蟲兩眼就發光~~👀(相中入面係麥皮蟲)

開始製作培養基:

                                        材料包括:

蜜糖,麥皮同埋盒/罌(基本用料)

 

將蜜糖同麥皮加入培養器皿,撈勻至望落有少少濕潤感覺便可

 

培養基鋪平最少要有3cm高度,如果器皿較高身就落多少少份量

蠟蟲就可以入住喇~~😁

之後可以冚蓋,每日揭開少少蓋佢地抖氣就得喇~當然我係成日忍唔住揭開佢地黎睇啦~哈哈~觀察左佢地成日,有少少覺得佢地好得意😆

P.S.:培養器皿邊即使係平滑面,蠟蟲都可以爬到上頂,所以要注意走蟲,要冚好蓋呀!!!!